Hakkin mallakar hoto
Getty Images
Ronaldo ya bar Real Madrid a karshen kakar bara bayan da ya lashe kofin Zakarun Turai sau uku a jere.
Juventus ta samu nasarar doke AC Milan a wasan hamayya da suka fafata a filin wasa na Allianz Stadium da ke birnin Turin.
Wannan sakamako na nufin cewa idan Napoli ta yi rashin nasara a hannun Genoa a ranar Lahadi, kenan Juventus ta dauki kofin na bana, wanda kuma shi ne na takwas a jere.
AC Milan ce ta fara zura kwallo a wasan, inda dan wasanta Krzyszt ya daga ragar Juve kafin zuwa hutun rabin lokaci, to amma bayan da aka dawo daga hutun rabin lokaci Paulo Dybala ya farke kwallon da bugun fenareti.
Sai dai kuma ana saura minti shida a tashi daga wasan Kean, wanda magoya bayan kungiyar suka nuna wa wariyar launin fata a wasan da suka yi ranar Laraba da kungiyar Cagliari ranar Laraba, ya zura kwallon da ta bai wa Juventus nasara a wasan.
