Connect with us

Hausa

NFF da kulob din Roma sun kulla yarjejeniya | BBC Hausa

Published

on

Shugabannin NFF (Amaju Pinnickda) da AS Roma (Jim Pallottane) ne da mataimakansu a wurin taron kulla yar

Hakkin mallakar hoto
NFF

Image caption

Shugabannin NFF (Amaju Pinnickda) da AS Roma (Jim Pallottane) ne da mataimakansu suka halarci taron

Hukumar Kwallon Kafa Ta Najeriya NFF ta kulla yarjejeniyar aiki tare da kungiyar kwallon kafa ta AS Roma mai buga gasar Serie A ta Italiya.

Bisa ka’idojin yarjejeniyar, Roma da Hukumar Kwallon Kafa Ta Najeriya za su rika gudanar da harkokin da suka shafi wasanni a ciki da wajen fili, kamar yadda bangarorin biyu suka bayyana ranar Juma’a.

Bangarorin biyu za su rika taimaka wa juna wajen ci gaban harkokin wasanni da suka hada da shawarwari game da horar da matasan ‘yan wasa daga Najeriya da kuma koyar da kulob-kulob a Najeriya yadda za su rika tafiyar da shafukansu na sada zumunta.

Ita kuma NFF za ta taimaka wa Roma wajen gina nata harkokin a Najeriya.

Kazalika, a watanni masu zuwa jami’an hukumar ta NFF za su yi tattaki zuwa birnin Rome domin ganin yadda kungiyar matasa ta Roma ke gudanar da wasanninsu.

Hakan zai ba su dama wurin gina matasa da kuma kungiyoyinsu a harkar wasanni a gida Najeriya.

Shugaban kungiyar ta Roma Jim Pallotta ya ce tun a 2018 suka fara aiki da Super Eagles yayin gasar cin Kofin Duniya a kasar Rasha.

“Rukunin ma’aikatanmu sun fara aiki tare da Super Eagles a 2018 a shafukan sada zumunta da kuma lokacin gasar Kofin kasashen Afirka, wanda aka fara da maudu’in #ForzaSuperEagles.

“Mu ne kungiya ta farko daga wajen Najeriya da ta bude shafin Twitter cikin harshen Pidgin mai shelkwata a Lagos.”

Kungiyar za ta duba yiwuwar buga wasan bude ido a Najeriya tare da bude makarantar horar da wasanni.

Facebook Comments

Hausa

An samu Netanyahu da almundahana

Published

on

Benjamin Netanyahu

Image caption

Netanyahu ya ce ba zai yi murabus daga mukaminsa ba

Atoni janar na Isra’ila ya samu Firai Minista Benjamin Netanyahu da laifin cin hanci da rashawa da kuma laifin cin amana kan tuhume-tuhume uku da ake masa.

Ana zargin Netanyahu da karbar kyaututtuka daga hamshakan ‘yan kasuwa da alfarma.

Ya dai musanta aikata ba dai-dai ba tare da cewa bi-ta-da-kulli jam’iyyar adawa ke masa da ‘yan jarida.

Netanyahu ya kafe ba zai yi murabus daga mukaminsa ba, kuma babu dokar da ta ce ya yi hakan.

  • Netanyahu ya gaza kafa gwamnati, yanzu damar ta Gantz ce
  • Netanyahu: Ana gab da kammala bincike kan zargin cin hanci

Sai dai sanarwar samun shi da laifin rashawar na zuwa ne yayin da kasar ke shirin tsayawa cik na kwanaki biyu sakamakon karasa zaben da ba su kammalu ba, a zaben gama gari na watan Satumba da ya wuce.

A ranar Laraba, abokin hamayyar Netanyahu wato Benny Gantz ya sanar da har yanzu ya gagara samun rinjaye a majalisa da zai ba shi damar kafa gwamnatin hadaka.

Shugaba Reuven Rivlin ya bai wa Netanyahu damar samar da gwamnatin hadaka, amma har yanzu ya gagara hakan.

A ranar Alhamis shugaba Rivlin ya bukaci ‘yan majalisa su amince da firai ministan nan da makwanni uku, don gudun sake yin zabe karo na uku cikin shekara guda.

Facebook Comments
Continue Reading

Hausa

Me ya sa kwanaki hudu babu internet a Iran? | BBC news

Published

on

Iran
Image caption

Rashin internet ya shafi rayuwar ‘yan kasar, musamman matasa

Kasashen duniya sun fara nuna damuwa kan daukewar internet a kasar Iran, a dai-dai lokacin da aka shiga kwanaki hudu da daukewar.

Wannan ya biyo bayan zanga-zangar da ‘yan kasar ke yi kan Karin farshin man fetur da kasha 50, wanda gwamnatin shugaba Hassan Rouhani ta yyana.

A daren Asabar ne internet din ta fara fuskantar tangarda, kafin wayewar garin Lahadi ta dauke baki daya.

Iraniyawa mazauna kasashen ketare sun yi ta wallafwa a shafukan sada zumunta cewa daukewar internet ta raba su da ‘yan uwa da abokan arziki da ke gida lamarin da ya sanya ba su san a halin da suke ciki ba.

  • An kashe masu zanga-zanga 106 a Iran – Kungiyar Amnesty
  • Iran ta ‘samu rijiya mai gangar danyen mai biliyan 53’

Abin ya matukar tayar da hankali a kasar mai al’umma miliyan 80 da yawancin matasa sun dogara da internet dan gudanar da rayuwar yau da kullum ciki har da karatu.

Ba kamar sauran kasashen waje ba kamar Birtaniya da suke da kamfanonin sadarwa da internet daban-daban ba, wanda da wuya su iya daukewa a lokaci guda.

Iran na da kamfanoni biyu kwarara da kuma suke karkashin gwamnati, dan haka ne abin ya yi matukar tasiri.

Wata matashiya Arash Azizah ta wallafa a shafinta na Twitter yadda lamarin ya shafe ta;

”Kamar sauran Iraniyawa, muna da dandalin Whatsapp da zuriyar gidanmu ke amfani da shi, kakarmu a duk asubahin Allah ta na tura mana sakon fatan alkhairi da kariya daga dukkan abin ki, amma wannan matsala da aka samu ta hana mu yin hakan.”

Facebook Comments
Continue Reading

Hausa

An damke tsohon minista Adoke a Dubai

Published

on

Adoke

Hukumar ‘yan sandan kasa da kasa watau Interpol ta damke tsohon ministan shari’ar Najeriya bisa zargi sa da hannu a wata badakalar cin hanci kan danyen mai na fiye da dala biliyan daya.

Lauyan Mr Mohammed Bello Adoke ya tabbatar da tsare tsohon ministan a Dubai, amma ya ce bisa wani sammaci ne da lokacinsa ya wuce.

A baya Mr Adoke ya ce bai ci komai ba game da wata yarjejeniyar sayar da wata rijiyar mai a shekara ta 2011.

A cikin watan Afrilu ne hukumar yaki da rashawa a Najeriya – EFCC ta ba da sammacin kama shi tare da tsohon ministan man kasar, Dan Etete da kuma wani manaja a kamfanin mai na Italiya mai suna Eni.

Lamarin ya janyo shari’a mai tsawo tsakanin gwamnatin Najeriya da wasu kusoshi a kamfanonin mai na Eni da kuma Shell.

Sai dai duk kamfanonin biyu sun musanta aikata ba dai-dai ba.

Facebook Comments
Continue Reading

Trending

© Copyright 2019 - AREWANG Media Limited