Hakkin mallakar hoto
Reuters
Tsohon kocin Manchester United da Real Madrid, Jose Mourinho, ya amince da daurin shekara daya a gidan yari a Spain saboda kauce wa biyan haraji.
Da wahala ya yi zaman gidan yarin saboda ba kasafai kasar Spain ke matsawa kan mutum ya je gidan kason ba idan daurin da aka yi masa bai kai shekara biyu ba.
Spain ta zargi dan kasar ta Portugal da kauce wa biyan haraji na €3.3m
Baya ga daurin je-ka-ka-gyara-halinka, tsohon kocin zai biya tarar €2m.
Laifukan da aka same shi da laifin aikatawa sun shafi rashin bayyana kudin da ya samu daga tallan hotunansa lokacin da yake kocin Real Madrid tsakanin 2011-2012.
An zarge shi da bude hanyoyin kasuwanci daban-daban a tsibiran British Virgin Islands da wasu wurare da ke tallata hotunansa.
masu shigar da kara sun ce ya yi hakan ne da zummar kauce wa biyan haraji.
