Hakkin mallakar hoto
Getty Images
Kungiyar kwallon kafa ta Arsenal za ta karbi bakuncin Napoli a wasan farko na daf da na kusa da na karshe a gasar cin kofin Zakarun Turai ta Europa a ranar Alhamis.
Wannan ne karo na biyu da kungiyoyin za su kara a gasar, inda a kakar 2013-14 a karawar cikin rukuni Arsenal ta yi nasara da ci 2-0 a Emirates, ita ma Napoli ta rama cin da aka yi mata a Italiya.
A irin wannan lokacin a 2017/18, Arsenal ta fitar da CSKA Moscow a Europa League da ci 6-3 a wasan gida da waje da suka yi, yayin da Atletico Madrid ta yi waje da Gunners a karawar daf da karshe.
Napoli ta kai wasan daf da na kusa da na karshe a gasar Zakarun Turai ta Uefa Cup da Europa League karo na uku kenan a tarihi.
A wasan daf da karshe aka fitar da ita a 2014-15, inda ta lashe kofin kakar 1988-89 karkashin jagorancin Diago Maradona.
Sai dai Napoli ba ta taba doke kungiyar Ingila a karawar da ta ziyar ce ta ba a gasar ta Zakarun Turai, bayan wasa takwas a Ingila ta yi canjaras daya aka doke ta a fafatawa bakwai.
Napoli ta yi rashin nasara a Ingila a hannun Burnley da Leeds United da Liverpool da Chelsea da Manchester City da kuma Arsenal.
