‘Yan takarar gwamna su kimanin 31 ne a nan Jami’ar Bayero da ke Jihar Kano suka sanya hannu kan yarjejeniyyar zaman lafiya lokutan zaben gwamna dake karatowa a ranar Asabar 9-3-2019.
Kuma a cikin wanda suka hadar da gwamnan Kano Dakta Abdullahi Umar Ganduje na Jam’iyyar APC da Malam Salihu Sagir Takai na jam’iyyar PRP da kuma Abba Kabir Yusuf na Jam’iyyar PDP wadanda sune mafi hamayya da juna a neman zawarcin kujerar ta gwamna, tare da kwamishinan ‘yan sandan jihar Kano Muhammad Wakil da sauran yantakarkarun daga wasu jam’iyyu da dama.
