Connect with us

Hausa

Gobara ta kona gidan jigon Darikar Tijjaniyya, Sheik Mansur Kaduna

Published

on

Shugaban Majalisar Malamai Na kugiyar Fityanul Islam Ta kasa Reshen Babban Birnin Tarayya Abuja, Imam Murabbi Cisse Alyarwawy Ya Shiga Jerin Sahun ‘Yan Uwansa Jagororin Tarikar Tijjaniyya Da Suka Jajantawa Dan Uwansu Shahararran Malamin nan Na Tariqar Tijjaniyya Sheikh Mansur Kaduna Bisa Jarrabawar Gobara Da Allah Ya yi masa Jiya Da Daddare Misalin karfe 2:00 Na Dare A Gidansa Dake Unguwar Kabala a jihar Kaduna.

Na kira Wayarsa Yau Misalin karfe 9:00 Na Safe Don In Jajantamasa Bayan Na Sami Labarin Abinda Ya Faru Wacce Ta Sabbaba Masa Asarar Dukiya Da Littattafa Masu Yawan Gaske.

Sai Ya Daga Wayata Yana Mai kelkelewa Da Dariya Yana Mai Cewa “Shehu Murabbi Ka ji Abinda Mai Kaya Ya yi Da Kayansa Ko” Sai Ya Dawo Shine Mai Jaje Maimakon Shi Za A Jajantawa.

Take Wannan Dariya Tasa Yayin Ibtila’i Ta Tunatar Da Ni wani Hadithin Sayyidina Abdullahi Bn Umara R.T.A Wanda Imamun Nawawy Ya Kawo Shi Cikin Littafinsa (Al Azkaru).

Ga Hadithin Kamar Haka “Abdullahi Bn Umara Ya Binne Wani Dansa Sai Ya kelqele Da Dariya Sai Aka Ce masa Shin Za ka yi Dariya Wajen kabari Sai Yace Ina So ne n Tirmuza Hancin Shaidan”

Tabbas Na san Ba Komai Bane Ya Janyo Wa Dan Uwa Sheikh Ibrahim Mansur Imam Kaduna Wannan jarrabawar Illa Kusancin sa Ga Allah Da Cikar Kamalar Ma’rifarsa.

Allah Ka Bashi Ikon Cin Wannan Jarrabawa, Ka Azurta shi Da Ninke Niken Abinda Ya Rasa Albarkar Maulana Rasulullahi Sallallahu Alaihi Wa A’lihi Wasallama. Wama Zalika Allallahi Bi Aziz.

Facebook Comments
Advertisement
Click to comment

Leave a Reply

Your email address will not be published. Required fields are marked *

Hausa

Rubewar hakori: kun san yanda zaki ke kassara lafiyar hakoran yara?

Published

on

Rashin kula na daga cikin abubuwan da suka sa yara a Afirka suka fi fama da ciwon hakori

Hakkin mallakar hoto
Getty Images

Likitocin hakori a Birtaniya sun bukaci gwamnatin kasar da ta sa makarantun kasar su daina bai wa yara cimaka mai zaki domin maganace rubewar hakora.

Sun ce hakan na da alfanu domin shawo kan matsalar wadda ke addabar kimanin kashi daya cikin hudu na yara ‘yan shekara biyar.

Haka nan masanan a harkar lafiya na bukatar ganin an kara sanya ido kan yadda yara ke wanke baki.

Kafin sauka daga mukami, Firaminista Theresa May ta sanar da wasu shirye-shirye na bunkasa lafiyar hakoran yara.

Sai dai sashin lafiyar hakori na kasar ya ce duk da an samu ci gaba a fannin, akwai bukatar a kara azama.

Wani kwararren likita a Najeriya Dakta Tanko Zakari, na asibitin koyarwa na Aminu Kano ya ce yara a yankin nahiyar Afirka sun fi na yankin Turai fama da wannan matsala ta rubewar hakori.

Ya ce, yawancin abubuwan da ke haddasa wannan matsala shi ne rashin ilimi da kuma hangen nesa game da lafiyar yara.

Sai dai ya ce matakin rage shan zaki, da kuma rungumar dabi’ar wanke baki za su iya hana rubewar hakora.

A cewarsa ‘ya kamata iyaye su tabbatar yara na wanke baki a kowane lokaci, a lokacin da za su tafi makaranta, da kuma lokacin da za su kwanta bacci.’

Shi dai bangaren kula da lafiyar hakorin na Birtaniya ya fitar da wani rahoto, inda ya bayar da shawarar daukan wasu matakai domin shawo kan matsalar rubewar hakori ga yara.

Shawarwarin sun hada da:

  • Dukkanin makarantu su fito da tsarin lura da yadda yara ke goge hakori.
  • Dukkanin makarantu su daina bai wa yara abinci mai sukari kafin shekarar 2022.
  • A takaita tallace-tallacen abinci masu dauke da sukari sosai.
  • A rage sukari da ake sanyawa cikin abincin jarirai da kamfanoni ke hadawa.
Facebook Comments
Continue Reading

Arewa

Mutane 5 aka halaka a rikicin Benue – ‘yan sanda

Published

on

Yan sanda a jihar Benue sun tabbatar da kashe mutane 9 a wasu garuruwa dake karamar hukumar Katsina Ala ta jihar.

Mai magana da yawun rundunar yan sandan jihar, Catherine Anene ta ce rikicin da ya faru a Katsina Ala rikici ne wanda yake yawan faruwa a tsakanin kabilun Ikurav da Shitile .

“Rikicin ya faru a kauyuka uku. Babu dalilin kai harin saboda.An gudanar da ganawa a lokuta da dama tsakanin kabilun amma aka kasa cimma matsaya,”

Rahotanni sun bayyana cewa mayaka daga bangarorin kabilun biyu; Shitile da Ikurav sun kai ma juna hari da safiyar ranar Asabar har ta kai ga an samu asarar rayuka.

Facebook Comments
Continue Reading

Hausa

Rashida da Ilhan: Musulman da suka ‘tsone wa Trump da Isra’ila ido’ | BBC Hausa

Published

on

Congresswomen Ilhan Omar (left) and Rashida Tlaib

Hakkin mallakar hoto
Getty Images

Image caption

‘Yar majalisar wakilan Amurka Ilhan Omar (daga hagu) da kuma Rashida Tlaib

Rashida Tlaib da Ilhan Omar sun kafa tarihi a watan Nuwamban 2018 lokacin da suka zamo Musulmai mata na farko da suka lashe kujerun majalisar wakilai a tarihin Amurka.

Duka matan dai mambobi ne na jam’iyyar Demokurat kuma sun dace da irin siyasar kawo sauyi da jam’iyyar ke cewa tana yi.

Sun nuna goyon baya ga dokokin ‘yancin dan’adam, ciki har da na zubar da ciki da kuma goyon bayan masu zuwa ci-rani.

Sai dai akwai wani abu daya da ya sa suka raba-gari da sauran ‘ya’yan jam’iyyar ta Demokurat da ma na Republican: Isra’ila.

Kauracewa Isra’ila

Duka matan biyu na matukar sukar yadda Isra’ila take muzguna wa Falasdinawa, kuma su kadai ne ‘yan majalisar da suka fito karara suka nuna goyon baya ga kungiyar Falasdinawan da ke jagorantar kaurace wa Isra’ila.

Wannan ya kuma sa Tlaib da Omar sun zamo ‘yan majalisun Amurka na farko da aka hana shiga Isra’ila.

Hakan ya sha banban da takwarorinsu 72 da suka shafe wata guda suna wata ziyara a Isra’ila wacce masu neman kamun-kafa suka shirya kuma suka dauki nauyi.

Hakkin mallakar hoto
Getty Images

Image caption

Muftia Tlaib, wacce ke zaune a yammacin Kogin Jordan da aka mamaye, ita ce kakar ‘yar majalisa Rashida Tlaib

Ilhan Omar da Rashida Tlaib suna shirin tashi zuwa Isra’ila ne domin shiga yankin Falasdinawa da ke karkashin mamayar Isra’ila: Gabashin Jerusalem da Yammacin Kogin Jordan.

Ga ‘yar majalisa Rashida Tlaib kuwa, tafiyar ta kunshi ziyarar danginta.

‘Yar majalisar mai shekara 42, lauya ce daga Michigan amma ‘yar asalin yankin Falasdinu, kuma har yanzu kakarta da sauran ‘yan uwanta na zaune a yankin na Falasdinu.

Bayan matakin na Isra’ila, Rashida Tlaib ta wallafa wani hoton kakarta a shafin Twitter, inda ta ce: “Matakin Isra’ila na hana jikarta, ‘yar majalisar wakilan Amurka, shiga kasar alama ce da ke nuna cewa halin da Falasdinawa ke ciki na tayar da hankali ne.”

Fafutukar ‘yancin bakar fata

Ta kuma misalta hakan da yadda aka taba hana mai fafutukar wariyar launin fata a Afirka ta Kudu, wato fitaccen dan siyasa na Amurka Jesse Jackson.

Rashida Tlaib ta ce Isra’ila kasa ce ta “‘yan wariyar launin fata, abin da ita ma aka zarge ta da nuna “kin jinin Yahudawa”.

Hakkin mallakar hoto
GPO via Getty Images

Image caption

Firaministan Isra’ila Benjamin Netanyahu da Shugaban Amurka Donald Trump abokai ne sosai

Tana samun goyon baya a wannan fafutukar tata daga ‘yar majalisa Ihan Omar daga Minnesota, ‘yar shekara 38, wacce ke sanya dan kwali, ‘yar asalin Somaliya, wacce ta iso Amurka a 1995 a matsayin ‘yar gudun hijira.

Ta yi Allah-wadai da matakin hana su shiga Isra’ila, tana mai cewa abin kunya ne ga kasar da ke ikirarin cewa “ita kadai ce mai bin tafarkin demokuradiyya a yankin Gabas ta Tsakiya”.

Zargin kin jinin Yahudawa

An zargi Ilhan da nuna kin jinin Yahudawa bayan wasu kalamai da ta yi a baya, amma daga bisani ta nemi “afuwa” tana mai gode wa abokan aikinta kan yadda suka ja hankalinta kan irin munin kisan kare-dangin da aka yi wa Yahudawa.

Sannan ta ce ta yi niyyar sukar kungiyoyin Yahudawa ne da ke kamun kafa a fagen siyasar Amurka, ba wai Yahudawa gaba daya ba.

Hakkin mallakar hoto
Getty Images

Image caption

Falasdinawa sun ce kungiyar da ke neman a kaurace wa Isra’ila halattacciya ce kuma ba ta dauke da makamai – amma Isra’ila na musanta hakan

Mutumin da ya yi fice wurin sukar su shi ne Donald Trump, wanda shi ma ya nemi Isra’ila da ta hana su shiga kasar.

Trump ya bayyana ‘yan majalisar biyu da cewa “abin kunya” ne ga Amurka, sannan ya ce ba su izinin shiga kasar zai nuna gazawar Isra’ila.

“Sun tsani Isra’ila da dukkan Yahudawa, kuma babu wani abu da za a ce ko a yi da zai sauya zukatansu,” kamar yadda ya wallafa a Twitter.

Dokar hana kauracewa Isra’ila

Firaminista Benjamin Netanyahu ya ce an yi amfani da dokar hana kaurace wa Isra’ila wurin hana ‘yan majalisar shiga kasar.

A karkashin dokar, wadda gwamnatinsa ta kafa a 2017, duk wani dan kasar waje da ya yi kiran a kaurace wa Isra’ila ta kowacce fuska – ba za a ba shi izinin shiga kasar ba.

Hakkin mallakar hoto
Getty Images

Image caption

“Yan majalisar biyu sun musanta zargin cewa sun tsani Yahudawa

Isra’ila tana zargin kungiyar ta ‘yan a kaurace mata da cewa tana barazana ga dorewar kasar, matsayar da ‘yan siyasar Amurka da dama ciki har da ‘yan majalisar kasar na duka jam’iyyun biyu suka amince da su.

Sai dai duka bangarorin biyu sun yi watsi da batun cewa kiran a kaurace wa Isra’ila tamkar kin jinin Yahudawa ne.

Facebook Comments
Continue Reading
Advertisement
Advertisement

Trending

%d bloggers like this: