Connect with us

Arewa

Shugaba Buhari Zai Gana Da Majalisar Wakilan Najeriya Kan Matsalar Tsaro

Published

on

VOA Hausa

Kakakin majalisar wakilan Najeriya, Femi Gbajabiamila ne ya bayyana wa manema labarai hakan ranar Laraba 2 ga watan Disamba, bayan ganawa da shugaba Buhari a fadar shugaban kasa da ke birnin tarayya Abuja.

Ya ce nan ba dadewa ba za a sanar da ranar da za a yi zaman ganawar.

A ranar Talata 1 ga watan Disamba ne majalisar wakilan ta yanke shawarar gayyato shugaba Buhari don ya yi wa ‘yan majalisar jawabi akan kokarin da ake yi na magance matsalolin tsaro a sassa dabam-daban na kasar, a lokacin da majalisar ta duba shawarar da wakilai daga jihar Borno suka gabatar biyo bayan kisan gillar da mayakan Boko Haram suka yi wa wasu manoman shinkafa a kauyen Zabarmari da ke jihar a kwanan nan.

Ya kuma ce shugaba Buhari ya damu sosai da batun yanayin tsaro a kasar kuma zai yi wa ‘yan majalisar jawabin halin da ake ciki.

Continue Reading
Click to comment

Leave a Reply

Your email address will not be published. Required fields are marked *

Trending