Adam A. Zango ya ce shi ne Bahaushen da ya fi kowa suna a duniya

Adam Zango
Hakkin mallakar hoto
Adam A Zango

Fitaccen jarumin fina-finan Hausa, Adam A. Zango ya koda kansa a matsayin wanda ya fi yin fice cikin hausawa a duniya.

A wasu jerin bidiyo da ya wallafa a shafin Instagram ya ce “Ni ne Bahaushen da na fi ko wane Bahaushe suna da masoya a duniya.”

Jarumin ya ce ba shi ya fada ba masu bincike ne suka binciko.

Sai dai bai bayyana wadanda suka yi binciken ba har suka tabbatar da ya fi sauran hausawa shahara a duniya.

Adam A Zango yana da mabiya dubu 891 a shafin Instagram, sai dai kuma fitaccen jarumin fina-finan hausa Ali Nuhu ya fi shi yawan mabiya a Instagram inda yake da mabiya sama da miliyan daya.

Haka ma fitacciyar jarumar finafinan Hausa Rahama Sadau ta fi shi yawan mabiya a Instagram inda take da masoya miliyan 1.2.

Amma a cikin bidiyon wanda ya kira sako ga masoyansa, A. Zango ya ce shi ne ma’anar sarki.

“Duk mutumin da yake son ya zama kamar Zango to sai ya shirya wa kalubale da gwagwarmaya, bala’i da masifa ko wane iri”

“Ni kai na da Allah ya nuna min irin matsaloli da bala’in da na shiga kafin na kai wannan matsayin to da zan hakura,” in ji shi.

Jarumin ya yi gugan zana inda ya ce kada wasu su tsargu da abin da yake fada.

Ya ce ana gayyatarsa a kasashe da dama kuma sai an rasa shi ake neman wasu saboda daukakarsa.

Rayuwar Adam A Zano a takaice

Hakkin mallakar hoto
Adam Zango
  • An haife shi a garin Zangon Kataf a jihar Kaduna
  • Ya bar garin a 1992 bayan rikicin kabilancin da aka yi
  • Ya koma arayuwa a jihar Plateau inda ya yi karatun Firamare
  • Talauci ya hana shi cigaba da karatu a wancan lokacin
  • Tun yana yaro ake masa lakabi da Usher – mawakin nan dan Amurka saboda yadda yake rawa
  • Ya koma Kano inda ya fara aiki a wani kamfanin kade-kade da raye-raye
  • Fim dinsa na farko shi ne Sirfani, wanda ya ce shi ya shirya shi da kansa
  • Ya fito a fim sama da 100 a tsawon shekara 16

More News

ÆŠalibai a Jami’ar Jos na zanga-zanga saboda rashin wuta da ruwa

Wasu daliban jami’ar Jos da ke jihar Filato a ranar Alhamis sun gudanar da zanga-zangar nuna rashin amincewarsu da matsalar karancin ruwa da rashin...

MTN yana ƙoƙarin ƙara kuɗin kati da data a Najeriya

Katafaren kamfanin sadarwa na MTN na kokarin kara kudin katin waya da na data a Najeriya. Kamfanin sadarwa mafi girma a nahiyar Afirka ya ba...

Gwamnatin Kano Ta Rage ₦500,000 A Kuɗin Aikin Hajjin Bana

Gwamnan jihar Kano, Abba Kabir Yusuf ya sanar da yiwa maniyatan Aikin Hajji da suka fito daga jihar kyautar ₦500,000 domin su cika kuɗin...

Ƴan bindiga sun sace wani limami a jihar Kogi

Ƴan bindiga sun yi garkuwa da Quasim Musa babban limamin garin Iyara dake ƙaramar hukumar Ijumu ta jihar Kogi. Lamarin ya faru ne a ranar...